وزیراعظم محمد شہباز شریف سے چیف آف آرمی اسٹاف جنرل سید عاصم منیر کی وزیراعظم ہاؤس میں ملاقات

وزیراعظم محمد شہباز شریف سے چیف آف آرمی اسٹاف جنرل سید عاصم منیر , نشان امتیاز (ملٹری) کی وزیراعظم ہاؤس میں ملاقات*

آرمی چیف کی وزیراعظم کو منصب سنبھالنے پر مبارکباد اور نیک خواہشات کا اظہار

ملاقات میں پاک فوج کے پیشہ ورانہ اور سیکورٹی امور سے متعلق بات چیت

پہلی تقریر میں عوام سے وعدوں کی تکمیل، حلف کے بعد صرف 9 روز عوامی ریلیف کیلئے رمضان نگہبان پیکیج تیار،65لاکھ خاندانوں کو پیکج ملے گا: مریم نواز

عوام کے منہ سے نوالہ چھیننے کی کوشش کی گئی تو بہت سختی سے پیش آؤں گی، ذخیرہ اندوزوں کے ساتھ سختی سے نمٹا جائے گا،رمضان بازار بھی لگائے جائیں گے

90ہزار گھروں کو ترسیل مکمل،رمضان نگہبان پیکج کے پیک میں اعلی کوالٹی کا 10 کلو آٹا، 2 کلو گھی، 2 کلو چینی، 2 کلو چاول اور 2 کلو بیسن شامل کیا گیاہے

سی ایم مریم نواز کے نام سے ہیلپ لائن 080002345 قائم کی گئی ہے، 72 گھنٹے میں رمضان بازاروں عوام کی شکایات کو حل کیا جائے گا

نواز شریف کا ایجنڈا اور مشن عوام کو ریلیف فراہم کرنا ہے، عوام کو اب قطاروں میں کھڑا نہیں ہونا پڑے گا،مقصد غریب کا حق تکلیف دیئے بغیر دہلیز پر پہنچانا ہے

عوام کو سبسڈی دینے کے لئے کوئی ڈیٹا نہیں تھا،خصوصی پراجیکٹ کے ذریعے پنجاب بھر کے ساڑھے 12 کروڑ عوام کا ڈیٹابنک بنایا جائے گا

کوالٹی یقینی بنانے کے لئے ضلعی انتظامیہ اور پنجاب فوڈ اتھارٹی کو آٹے کی ملوں پرمتعین کیا گیا جہاں پیکنگ ہو رہی ہے، جو سیمپل منظور ہوئے صرف اس کی اجازت دی گئی، مریم نواز

غیر معیاری پراڈکٹ تیار کرنے والی چار ملوں کو سیل بھی کیا گیا ہے، 6.5 ملین ہیمپرز کی تقسیم کا مکمل ڈیجیٹل ریکارڈ موجودہوگا،مانیٹرنگ بھی کی جا رہی ہے

تمام محکموں نے ٹاسک کے مکمل ہونے میں بھرپور ساتھ دیا،اضلاع کی انتظامیہ اور پنجاب انفارمیشن ٹیکنالوجی بورڈ کی مشکور ہوں،وزیراعلیٰ کی پریس کانفرنس

لاہور6مارچ:……وزیراعلیٰ پنجاب مریم نواز شریف نے کہا ہے کہ پہلی تقریر میں عوام سے وعدوں کی تکمیل کا آغاز کر دیا گیا ہے۔، حلف کے بعد صرف 9 روز میں عوامی ریلیف کیلئے رمضان نگہبان پیکیج تیار کر لیا جس کے تحت65لاکھ خاندانوں کو پیکج ملے گا۔ عوام کے منہ سے نوالہ چھیننے کی کوشش کی گئی تو بہت سختی سے پیش آؤں گی، ذخیرہ اندوزوں کے ساتھ سختی سے نمٹا جائے گا،رمضان بازار بھی لگائے جائیں گے۔ وزیر اعلیٰ آفس میں پریس کانفرنس کرتے ہوئے وزیراعلی مریم نواز شریف نے کہاکہ اپنی پہلی تقریر میں پنجاب کے عوام سے کئے گئے وعدوں کی تکمیل شروع ہو گئی ہے۔نگہبان رمضان پیکیج کے لئے محمد نواز شریف نے مکمل رہنمائی کی۔نواز شریف کا ایجنڈا اور مشن عوام کو ریلیف فراہم کرنا ہے۔وزیر اعلیٰ مریم نوازشریف نے کہا کہ رمضان میں پنجاب کے عوام کو اب قطاروں میں کھڑا نہیں ہونا پڑے گا۔ہمارا مقصد غریب کا حق اسے تکلیف دیئے بغیر اس کی دہلیز پر پہنچانا ہے۔پنجاب کے تمام محکموں نے ٹاسک کے مکمل ہونے میں بھرپور ساتھ دیا۔تمام اضلاع کی انتظامیہ اور پنجاب انفارمیشن ٹیکنالوجی بورڈ کی مشکور ہوں۔مریم نواز شریف نے کہا کہ رمضان نگہبان پیکیج سے پنجاب کے تین کروڑ سے زائد لوگ مستفید ہوں گے۔بی آئی ایس پی اور نادرا کے ڈیٹا کو کلب کر دیا ہے۔آنے والے دنوں میں پنجاب حکومت ساڑھے 12 کروڑ عوام کا ڈیٹا اکٹھا کرے گی۔وقت کی کمی کی وجہ سے بلک میں خریداری کرنا پڑی۔ رمضان پیکیج کے ہیمپر میں کوالٹی کا خاص خیال رکھا گیا ہے۔وزیر اعلیٰ مریم نوازشریف نے کہا کہ ایک ہیمپر میں 10 کلو آٹا، 2 کلو گھی، 2 کلو چینی، 2 کلو چاول اور 2 کلو بیسن ہے۔اعلیٰ کوالٹی کا گھی، آٹا، چینی، چاول اور بیسن اس ہیمپر میں شامل کیا گیا ہے۔کوالٹی کنٹرول کے لئے سورس پر لوگوں کو بٹھایا۔ضلعی انتظامیہ اور پنجاب فوڈ اتھارٹی کو آٹے کی ملوں پر بٹھایا جہاں پیکنگ ہو رہی ہے وہاں وہ کوالٹی کا خیال رکھ رہے ہیں۔جو سیمپل منظور ہوئے صرف اس کی اجازت دی گئی۔غیر معیاری پراڈکٹ تیار کرنے والی چار ملوں کو سیل بھی کیا گیا ہے۔انہوں نے کہا کہ ضلعی انتظامیہ سے کہا ہے کہ وہ ہیمپرز کو کھول کر چیک کریں۔ڈیلیوری میکنزم میں پی آئی ٹی بی نے بہت مدد فراہم کی۔ڈیلیوری میکنزم مکمل طور پر ڈیجیٹائز ہے۔پی آئی ٹی بی نے اس بارے میں ایک مخصوص ایپلی کیشن تیار کی ہے۔اس میں مختلف ڈیپارٹمنٹس کے لوگوں کو شامل کیا گیا ہے۔یونین کونسل، محلوں کی سطح پر ڈیلیوری ٹیموں کو تقسیم کیا گیا ہے۔پی آئی ٹی بی کی ایپلی کیشن ڈیلیوری ٹیموں کے لئے ہے۔ڈیلیوری ٹیموں کو کسی ناخوشگوار واقعہ سے بچنے کے لئے پولیس کی سیکورٹی بھی فراہم کی گئی ہے۔ انہوں نے کہا کہ 65 ہزار تھیلے کیو آر کوڈ کے ساتھ فراہم کئے گئے ہیں۔ہیمپرز کی تقسیم کے حوالے سے تمام ڈیٹا لائیو اکٹھا کیا جا رہا ہے۔6.5 ملین ہیمپرز کی تقسیم کا مکمل ڈیجیٹل ریکارڈ موجود ہوگا۔شفافیت اور معیار کو برقرار رکھنے کے لئے مانیٹرنگ بھی کی جا رہی ہے۔مانیٹرنگ ٹیمیں ہیمپرز کی تقسیم سے متعلق عوام سے بھی معلومات لیں گی۔وزیر اعلیٰ نے کہا کہ سی ایم مریم نواز کے نام سے ہیلپ لائن 080002345 قائم کی گئی ہے۔72 گھنٹے میں عوام کی شکایات کو حل کیا جائے گا۔عوام اس نمبر پر کال کر کے رمضان پیکیج سے متعلق شکایت یا فیڈ بیک دے سکتے ہیں۔انہوں نے بتایا کہ ہر ضلع میں رمضان بازار بھی لگائے جائیں گے۔عوام کو ان بازاروں میں رعایتی نرخوں پر اشیائدستیاب ہوں گی۔پرائس کنٹرول پر پوری توجہ ہے۔اس وقت پنجاب حکومت کے پاس پرائس کنٹرول کا کوئی ڈیپارٹمنٹ نہیں ہے۔پرائس کنٹرول کا مکمل نظام تیار کیا جائے گا۔ضلعی انتظامیہ کو ہدایات دی گئی ہیں کہ پرائس لسٹ پر عمل درآمد ہونا چاہئے۔وزیر اعلیٰ نے کہا کہ پرائس لسٹ کی خلاف ورزی پر گزشتہ روز 46 ہزار چھاپے مارے گئے، 4.2 ملین روپے کے جرمانے ہوئے، 133 ایف آئی آرز ہوئی ہیں اور 236 گرفتار ہوئے۔پرائس کنٹرول سے متعلق زیرو ٹالرنس ہے۔ذخیرہ اندوزوں کو جرمانے بھی ہوں گے، گرفتاریاں بھی ہوں گی۔وزیر اعلیٰ مریم نواز شریف نے کہا کہ عوام کے منہ سے نوالہ چھیننے کی کوشش کی گئی تو بہت سختی سے پیش آؤں گی، عوام کا نوالہ کسی اور کے منہ میں نہیں جانے نہیں دوں گی۔ذخیرہ اندوزوں کے ساتھ سختی سے نمٹا جائے گا۔پنجاب میں موجود گوداموں کو ضلعی انتظامیہ کے ساتھ رجسٹر ہونا چاہئے۔