وزیر اعلیٰ پنجاب مریم نواز شریف کی پنجاب بھر کے مزدوروں اور ورکرز کا جامع ڈیٹا مرتب کرنے کی ہدایت
وزیر اعلیٰ مریم نواز شریف کا مزدوروں کے تحفظ کو یقینی بنانے کے لئے رسک سیکٹر کی نشاندہی کے لئے عالمی معیار کی لیب قائم کرنے کا حکم
وزیر اعلیٰ پنجاب مریم نواز شریف نے پنجاب بھر کے ورکرز کے تحفظ کو یقینی بنانے کے لئے آکو پیشنل سیفٹی اینڈ ہیلتھ موبائل لیب پراجیکٹ شروع کرنے اور رائیڈر سروس فراہم کرنے والے موٹر سائیکل سوار نوجوانوں کے تحفظ کے لئے موثر قانون سازی کرنے کی ہدایت کر دی، اجلاس میں وزیر اعلیٰ پنجاب نے دیہاڑی دار مزدوروں کو سوشل سکیورٹی سہولتیں فراہم کرنے کے لئے رجسٹریشن کارڈ جاری کرنے کی تجاویز کا بھی جائزہ لیا، ورکروں اور مزدوروں کے لئے لیبر کالونیاں قائم کی جائیں گی، قائد اعظم بزنس پارک شیخوپورہ اور راولپنڈی میں لیبر کمپلیکس بنایا جائے گا، سندر اور ٹیکسلا میں لیبر کالونیوں کے پراجیکٹ جلد مکمل کرنے کا حکم بھی دیا، شیخوپورہ اور راولپنڈی میں 1400 مزدوروں اور 800 مزدور خاندانوں کو رہائش فراہم کی جا سکے گی.
