بجلی چوری،سمگلنگ اور ذخیرہ اندوزی کے خلاف پنجاب حکومت کا صوبے بھر میں گرینڈ آپریشن کا فیصلہ

بجلی چوری ، سمگلنگ اور ذخیرہ اندوزی کے خلاف پنجاب حکومت کا صوبے بھر میں گرینڈ آپریشن کا فیصلہ :

وزیر اعلیٰ پنجاب محترمہ مریم نواز شریف نے بجلی چوری کے خاتمے کے لئے وزیراعظم کے گزشتہ روز کے اجلاس کی روشنی میں پالیسی پر عمل درآمد کا حکم دیا –

وزیر اعلیٰ محترمہ مریم نواز شریف کے زیر صدارت اجلاس میں بجلی چوری کے خاتمے کے لئے اہداف کا تعین، ایک ماہ کی ڈیڈ لائن مقرر –

صنعتوں، کارخانوں، دکانوں، گھروں ، شاپنگ مالز سمیت ہر کنکشن چیک ہو گا، ناکامی پر متعلقہ حکام ذمہ دار ہوں گے؛ اجلاس میں فیصلہ –

بجلی چوری ،سمگلنگ، ذخیرہ اندوزی کے خلاف زیرو ٹالرنس پالیسی اپنائی جائے، وزیر اعلیٰ پنجاب محترمہ مریم نواز شریف کی ہدایت –

“بجلی چوری، سمگلنگ، ذخیرہ اندوزی میں خواہ جو بھی ملوث ہو، کوئی رعایت نہ کی جائے”؛ وزیر اعلیٰ صاحبہ کی ہدایت –

بجلی چوری کے خاتمے، سخت سزاﺅں اور بھاری جرمانوں کے لئے قانون سازی کا بھی فیصلہ –

بجلی چوری پہلے ہی قابل دست اندازی جرم ہے، گرفتاریاں اور فوری سزائیں دی جائیں ؛ اجلاس میں فیصلہ –

بجلی چوری میں ملوث سرکاری حکام کے خلاف بھی کارروائی ہو گی، اجلاس میں فیصلہ –

سسٹم کے اندر موجود کالی بھیڑوں کی نشان دہی کر کے قانونی گرفت میں لایا جائے ؛ اجلاس میں فیصلہ

وزارتِ توانائی اور صوبے میں بجلی کی تقسیم کار تمام کمپنیوں کی بھی مانیٹرنگ ہو گی ؛ فیصلہ –

اجلاس میں ٹاسک فورس بھی بنانے کا فیصلہ ، ماہرین اور حکومتی نمائندے شامل ہوں گے –

ٹاسک فورس وزارت توانائی، ڈسکوز (بجلی کی تقسیم کی ذمہ دار کمپنیوں) کی کارکردگی ، اور بجلی چوری کے خلاف آپریشن کی نگرانی کرے گی –

“بجلی چوری کے خاتمہ سے اربوں روپے کی بچت ہو گی جو عوام کی صحت، تعلیم، ترقی پر خرچ کریں گے”؛ وزیرِ اعلیٰ پنجاب محترمہ مریم نواز شریف –

صوبہ پنجاب میں 100 ارب روپے کی بجلی چوری ہورہی ہے؛ اجلاس میں انکشاف

اجلاس میں سینیٹر پرویز رشید، سینئر صوبائی وزیر محترمہ مریم اورنگ زیب ، چیف سیکریٹری پنجاب اور سیکریٹری انرجی سمیت اعلیٰ حکام شریک ہوئے –