کراچی کلکٹریٹ آف کسٹمز جناح انٹرنیشنل ایئرپورٹ کراچی کو خفیہ اطلاع موصول

کراچی کلکٹریٹ آف کسٹمز جناح انٹرنیشنل ایئرپورٹ کراچی کو خفیہ اطلاع موصول ھوئی کے کراچی ائرپورٹ سے بھاری مقدار میں سونا اسمگل کرنے کی کوشش کی جائیگی اس اطلاع پر کلکٹر کسٹمز ائرپورٹ جناب شفیق احمد لاٹکی نے ایڈیشنل کلکٹر ائرپورٹ فیصل خان صاحب کو اس ممکنہ اسمگلنگ کو ناکام بنانے کے لئے خصوصی ھدایات اور احکامات جاری کئے ان احکامات کی روشنی میں ایڈیشنل کلکٹر کسٹمز ائرپورٹ فیصل خان صاحب نے بین الاقوامی ڈپارچر لاؤنج پر تعینات کسٹمز کے عملے کو پہلے سے زیادہ متحرک رھنے اور تمام میسر وسائل کو بروئے کار لاتے ھوئے اس ممکنہ اسمگلنگ کو یقینی طور پر ناکام بنانے کی ھدایات دیں اور خود بھی اس عمل کی نگرانی کی گزشتہ شام کراچی سے براستہ دبئی جنوبی افریقہ جانے والی فیملی کو روک کر ان کے سامان کی تلاشی لی جس کے نتیجہ میں مذکورہ فیملی کے قبضہ سے 19 کروڑ روپے (190ملین)مالیت کے 9.5 کلو سونے کے زیورات اور سکے برآمد کر کے تحویل لے کر ضبط کئے ھیں ملزمان کو کسٹمز ایکٹ کے تحت مقدمہ درج کر گرفتار کر لیا ھے مزید تفتیش کی جارھی ھے۔