مونجی کو آگ لگانے پر سخت اور مکمل پاپندی ہو گی ا پنجاب حکومت نے خبردار کر دیا
صوبہ پنجاب میں سموگ سے نجات اور ‘اٸیر کوالٹی انڈیکس’ بہتر بنانے کے پہلے زراعت میں تاریخی میگا پروگرام پر سخت ترین عمل درآمد کا آغاز
کسانوں کو فصل کی باقیات تلف کرنے کےلئے جدید مشینری دینے کا بھی آغاز
بغیر آگ لگائے فصلوں کی باقیات تلف کرنے اور چاول کاشت کرنے والی مشینوں کی فراہمی پر پنجاب حکومت 60 فیصد سبسڈی دے گی
پنجاب میں فصل کی باقیات (مونجی) جلانے پر مکمل پابندی عائد، خلاف ورزی پر سخت قانونی کارروائی ہوگی
پنجاب کے کسانوں کو 5 ہزارسپرسیڈر اور 2 ہزار راٸس سپرشریڈر کی فراہمی کے عمل کا آغاز
وزیر اعلی پنجاب کی ہدایت پر کسانوں سے درخواستوں کی وصولی شروع، درخواستیں جمع کرانے کی آخری تاریخ میں 7 مٸی تک توسیع کردی گئی، سینئیر وزیر پنجاب مریم اورنگزیب کا بیان
وزیراعلی پنجاب مریم نواز شریف نے کسان دوست اور ماحول دوست وژن کے تحت پروگرام کے لئے 5 ارب روپے مختص کر دئیے
مونجی کو آگ لگانے سے سموگ اور موت کا باعث بننے والی مہلک بیماریاں پیدا ہوتی ہیں
سبسڈی دینے کا مقصد کسانوں کی مدد ہے تاکہ وہ فصلوں کی باقیات نہ جلائیں، عوام کی جان محفوظ ہو اور سموگ سے بھی نجات ملے، مریم اورنگزیب
پہلے مرحلے میں پروگرام کا اطلاق پنجاب کے سب سے زیادہ سموگ کا شکار 21 اضلاع میں کیا جا رہا ہے
گوجرانوالہ، قصور، اوکاڑہ، سیالکوٹ، شیخوپورہ،ساہیوال،
نارووال،پاکپتن،اوکاڑہ،حافظ آباد ، فیصل آباد، وہاڑی، گجرات، ٹوبہ ٹیک سنگھ،خانیوال،منڈی بہاٶالدین،جھنگ،ملتان،لاہور، چنیوٹ اور لودھراں ان اضلاع میں شامل ہیں
تحقیق کے مطابق دھوئیں سے ماحولیاتی آلودگی اور سموگ میں 58 فی صد حصہ فصل کی باقیات سے پیدا ہونے والے دھوئیں کا ہے
تحقیق کے مطابق تقریباً 35 لاکھ ٹن فصل کی باقیات جلانے سے پیدا شدہ دھواں سموگ اور ماحولیاتی چیلنج پیدا کرتا ہے جن سے لوگ خاص طور پر بچے جان لیوا بیماریوں کا شکار ہو رہے ہیں
جدید زرعی مشینری پر سبسڈی سے کسان کو مشقت، ماحول کو زہریلے دھوئیں، عوام کو بیماریوں اور تکلیف سے نجات ملے گی، مریم اورنگزیب
فصل کی باقیات جلانے والوں کے خلاف سخت قانونی کارروائی ہوگی، سینئیر وزیر پنجاب
وزیر اعلی پنجاب مریم نواز شریف کے انقلابی اقدامات سے پنجاب میں جدید فارمنگ کا سفر آگے بڑھے گا، خطے کے مجموعی ایکو سسٹم پر بھی مثبت اثرات مرتب ہوں گے، مریم اورنگزیب
